සජිත් මල්වතු අස්ගිරි මහානායකහිමිවරු බැහැදකී
June 21, 2026 12:33 pm
ජුනි 23 වැනිදාට යෙදී ඇති දිවංගත ජනාධිපති රණසිංහ ප්රේමදාස මහතාග් ජන්ම දිනය වෙනුවෙන් සිදුකරන පිංකම් මාලාවට සමගාමීව විපක්ෂ නායක සජිත් ප්රේමදාස මහතා අද (21) පෙරවරුවේ මහනුවරට පැමිණියේය.
එහිදී මල්වතු මහ විහාරයට පැමිණි විපක්ෂ නායකවරයා මල්වතු පාර්ශ්වයේ මහනායක අතිපූජ්ය තිබ්බටුවාවේ ශ්රී සුමංගල නාහිමියන් බැහැදැක ආශිර්වාද ලබාගෙන තිබේ.
අනතුරුව අස්ගිරි විහාරයට ද පැමිණි විපක්ෂනායකවරයා අස්ගිරි පාර්ශ්වයේ මහා නායක අතිපූජ්ය වරකාගොඩ ශ්රී ඥානරතන නාහිමියන් බැහැදැක ආශිර්වාද ලබා ගැනීමට කටයුතු කළේය.
එහිදී මාධ්ය වෙත අදහස් දක්වමින් විපක්ෂ නායකවරයා පැවසුවේ තෙල් මිල සහ විදුලි බිල අවම කිරීම වර්තමාන රජයේ වගකීමත් බවයි.
එහිදී මාධ්ය වෙත අදහස් දැක්වූ විපක්ෂ නායකවරයා,
"ලෝකයේ තෙල් මිල අඩුවීම නිසා පකිස්ථානයත් කරානම් ඇයි අපේ රටට මේක ක්රියාත්මක කරන්න බැරි. තෙල් මිල අඩු කිරීම රටේ වගකීමක් රජයේ වගකීමක් සහ යුතුකමක්. තෙල් මිල අඩු කරන්න ඕනි. විදුලි බිලත් අඩු කරන්න ඕනි. දැන් තියෙන්නේ කටින් බතල හිටවන යුගයක්. බොරුවෙන් යැපෙන රාජ්ය පාලනයක්. බොරුවට වැඩි ආයුෂ නෑ. රජයට ආයුෂ තියෙනවාද නැද්ද කියලා බලාගන්න පුළුවන් කොන්ද කෙලින් තියාගෙන පළාත් සභා මැතිවරණයක් තිබ්බනම්"
